Книга Св. Евангелие от Матфея Cтих 4

Глаголаше же и ко звавшему его: егда сотвориши обед или вечерю, не зови другов твоих, ни братии твоея, ни сродник твоих, ни сосед богатых: еда когда и тии тя такожде воззовут, и будет ти воздаяние. Но егда твориши пир, зови нищыя, маломощныя, хромыя, слепыя: и блажен будеши, яко не имут ти что воздати: воздаст же ти ся в воскрешение праведных. Не яко ищу даяния, но ищу плода множащагося в слово ваше. Приях же вся и избыточествую: исполнихся, приемь от епафродита посланная от вас, воню благоухания, жертву приятну, благоугодну Богу. Бог же мой да исполнит всякое требование ваше по богатству своему в славе, о Христе Иисусе. И всяко, еже аще что творите, от души делайте, якоже Господу, а не человеком, ведяще, яко от Господа приимете воздаяние достояния: Господу бо Христу работаете. Да даст милость Господь онисифорову дому, яко многажды мя упокои и вериг моих не постыдеся, но пришед в рим, тощнее взыска мя и обрете: да даст ему Господь обрести милость от Господа в день он: и елико во ефесе послужи ми, добрее ты веси.

И егда молишися, не буди якоже лицемери, яко любят в сонмищих и в стогнах путий стояще молитися, яко да явятся человеком. Аминь глаголю вам, яко восприемлют мзду свою.

Ты же, егда молишися, вниди в клеть твою, и затворив двери твоя, помолися Отцу твоему, иже в тайне: и Отец твой, видяй в тайне, воздаст тебе яве.

Молящеся же не лишше глаголите, якоже язычницы: мнят бо, яко во многоглаголании своем услышани будут:

не подобитеся убо им: весть бо Отец ваш, ихже требуете, прежде прошения вашего.

Сице убо молитеся вы: Отче наш, иже еси на небесех, да святится имя твое:

да приидет царствие твое: да будет воля твоя, яко на небеси, и на земли:

хлеб наш насущный даждь нам днесь:

и остави нам долги нашя, яко и мы оставляем должником нашым:

и не введи нас в напасть, но избави нас от лукаваго: яко твое есть царствие и сила и слава во веки. Аминь.

Аще бо отпущаете человеком согрешения их, отпустит и вам Отец ваш небесный:

аще ли не отпущаете человеком согрешения их, ни Отец ваш отпустит вам согрешений ваших.

Егда же поститеся, не будите якоже лицемери сетующе: помрачают бо лица своя, яко да явятся человеком постящеся. Аминь глаголю вам, яко восприемлют мзду свою.