Книга Св. Евангелие от Матфея Cтих 11

или мнится ти, яко не могу ныне умолити Отца моего, и представит ми вящше неже дванадесяте легеона ангел? Явися же ему ангел с небесе, укрепляя его. И глагола ему: аминь, аминь глаголю вам, отселе узрите небо отверсто и ангелы Божия восходящыя и нисходящыя над сына человеческаго. Егда же паки вводит первороднаго во вселенную, глаголет: и да поклонятся ему вси ангели Божии. Не вси ли суть служебнии дуси, в служение посылаеми за хотящих наследовати спсние?

Слышав же Иисус, яко иоанн предан бысть, отиде в галилею,

и оставль назарет, пришед вселися в капернаум в поморие, в пределех завулоних и неффалимлих:

да сбудется реченное исаием пророком, глаголющим:

земля завулоня и земля неффалимля, путь моря об он пол иордана, галилеа язык,

людие седящии во тме видеша свет велий, и седящым в стране и сени смертней, свет возсия им.

Оттоле начат Иисус проповедати и глаголати: покайтеся, приближися бо царство небесное.

Ходя же при мори галилейстем, виде два брата, симона глаголемаго петра, и андреа брата его, вметающа мрежи в море, беста бо рыбаря:

и глагола има: грядита по мне, и сотворю вы ловца человеком.

Она же абие оставльша мрежи, по нем идоста.

И прешед оттуду, виде ина два брата, иакова зеведеева, и иоанна брата его, в корабли с зеведеом отцем ею, завязующа мрежи своя, и воззва я.

Она же абие оставльша корабль и отца своего, по нем идоста.

И прохождаше всю галилею Иисус, учя на сонмищах их и проповедая евангелие царствия, исцеляя всяк недуг и всяку язю в людех.

И изыде слух его по всей сирии: и приведоша к нему вся болящыя, различными недуги и страстьми одержимы, и бесны, и месячныя, и разслабленныя: и исцели их.

И по нем идоша народи мнози от галилеи и десяти град, и от иерусалима и иудеи, и со онаго полу иордана.

← Предыдущая

Св. Евангелие от Матфея

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

Выбор основного перевода