Книга Св. Евангелие от Марка Cтих 33

И по днех шестих поят Иисус петра и иакова и иоанна брата его, и возведе их на гору высоку едины, И не остави по себе ни единаго ити, токмо петра и иакова и иоанна брата иаковля. И услыша царь ирод: яве бо бысть имя его: и глаголаше, яко иоанн креститель от мертвых воста, и сего ради силы деются о нем. Пришед же в дом, не остави ни единаго внити, токмо петра и иоанна и иакова, и отца отроковицы, и матере. И вшедшу ему в дом, ученицы его вопрошаху его единаго: яко мы не возмогохом изгнати его? И егда внидоша, взыдоша на горницу, идеже бяху пребывающе, петр же и иаков, и иоанн и андрей, филипп и фома, варфоломей и матфей, иаков алфеов и симон зилот и иуда иаковль:

И глагола им: прискорбна есть душа моя до смерти: будите зде и бдите.

И прешед мало, паде на земли и моляшеся, да, аще возможно есть, мимо идет от него час:

и глаголаше: авва Отче, вся возможна тебе: мимо неси от мене чашу сию: но не еже аз хощу, но еже ты.

И прииде, и обрете их спящих, и глагола петрови: симоне, спиши ли? не возмогл еси единаго часа побдети?

бдите и молитеся, да не внидете в напасть: дух убо бодр, плоть же немощна.

И паки шед помолися, тожде слово рек.

И возвращься обрете я паки спяща: бяху бо очеса им тяготна: и не ведяху, что быша ему отвещали.

И прииде третицею и глагола им: спите прочее и почивайте: приспе конец, прииде час: се, предается Сын человеческий в руки грешником:

востаните, идем: се, предаяй мя приближися.

И абие, еще ему глаголющу, прииде иуда, един сый от обоюнадесяте, и с ним народ мног со оружием и дрекольми, от архиерей и книжник и старец.

Даде же предаяй его знамение им, глаголя: егоже аще лобжу, той есть: имите его и ведите сохранно.

И пришед, абие приступль к нему, глагола: равви, равви. И облобыза его.