Книга Св. Евангелие от Луки Cтих 4

Не носите влагалища, ни пиры, ни сапог и никогоже на пути целуйте. И рече им: егда послах вы без влагалища и без меха и без сапог, еда чесого лишени бысте? Они же реша: ничесоже. кто воинствует своими оброки когда, или кто насаждает виноград, и от плода его не яст, или кто пасет стадо, и от млека стада не яст, тако и Господь повеле проповедающым благовестие, от благовестия жити. Воньже аще дом внидете, первее глаголите: мир дому сему.

И елицы аще не приемлют вас, исходяще от града того, и прах от ног ваших оттрясите, во свидетельство на ня.

Исходяще же прохождаху сквозе веси, благовествующе и исцеляюще всюду.

Слыша же ирод четвертовластник бывающая от него вся, и недоумевашеся, зане глаголемо бе от неких, яко иоанн воста от мертвых:

от инех же, яко илиа явися: от других же, яко пророк един от древних воскресе.

И рече ирод: иоанна аз усекнух: кто же есть сей, о немже аз слышу таковая, и искаше видети его.

И возвращшеся апостоли поведаша ему, елика сотвориша: и поим их, отиде един на место пусто града, нарицаемаго вифсаида.

Народи же разумевше, по нем идоша: и прием их, глаголаше им о царствии Божии, и требующыя исцеления целяше.

День же начат прекланятися. Приступльше же обанадесяте рекоша ему: отпусти народ, да шедше во окрестныя веси и села витают и обрящут брашно: яко зде в пусте месте есмы.

Рече же к ним: дадите им вы ясти. Они же реша: несть у нас вящше, токмо пять хлеб и рыбе две, аще убо не шедше мы купим во вся люди сия брашна.

Беху бо мужей яко пять тысящ. Рече же ко учеником своим: посадите их на купы по пятидесят.

И сотвориша тако, и посадиша их вся.

Приим же пять хлеб и обе рыбе, воззрев на небо, благослови их, и преломи, и даяше учеником, предложити народу.