Книга Св. Евангелие от Луки Cтих 9

Не скрывайте себе сокровищ на земли, идеже червь и тля тлит, и идеже татие подкопывают и крадут: Никтоже может двема господинома работати: любо единаго возлюбит, а другаго возненавидит: или единаго держится, о друзем же нерадити начнет. Не можете Богу работати и мамоне. Иже вас приемлет, мене приемлет: и иже приемлет мене, приемлет пославшаго мя: Рече ему Иисус: аще хощеши совершен быти, иди, продаждь имение твое и даждь нищым: и имети имаши сокровище на небеси: и гряди вслед мене. Ученицы же ужасахуся о словесех его. Иисус же паки отвещав глагола им: чада, како неудобь уповающым на богатство в царствие Божие внити: Обаче от сущих дадите милостыню: и се вся чиста вам будут. Продадите имения ваша, и дадите милостыню. сотворите себе влагалища не ветшающа, сокровище неоскудеемо на небесех, идеже тать не приближается, ни моль растлевает. Но егда твориши пир, зови нищыя, маломощныя, хромыя, слепыя: благое делати, богатитися в делех добрых, благоподатливым быти, общителным,

Верный в мале, и во мнозе верен есть: и неправедный в мале, и во мнозе неправеден есть.

Аще убо в неправеднем имении верни не бысте, во истиннем кто вам веру имет?

И аще в чужем верни не бысте, ваше кто вам даст?

Никий же раб может двема господинома работати: ибо или единаго возненавидит, а другаго возлюбит: или единаго держится, о друзем же нерадети начнет: не можете Богу работати и мамоне.

Слышаху же сия вся и фарисее, сребролюбцы суще, ругахуся ему.

И рече им: вы есте оправдающе себе пред человеки, Бог же весть сердца ваша: яко, еже есть в человецех высоко, мерзость есть пред Богом.

Закон и пророцы до иоанна: оттоле царствие Божие благовествуется, и всяк в не нудится.

Удобее же есть небу и земли прейти, неже от закона единой черте погибнути.

Всяк пущаяй жену свою и приводя ину, прелюбы деет: и женяйся пущеною от мужа, прелюбы творит.

Человек же некий бе богат, и облачашеся в порфиру и виссон, веселяся на вся дни светло.

Нищь же бе некто, именем лазарь, иже лежаше пред враты его гноен

и желаше насытитися от крупиц падающих от трапезы богатаго: но и пси приходяще облизаху гной его.