Книга Св. Евангелие от Луки Cтих 4

не имущу же ему воздати, повеле и господь его продати, и жену его, и чада, и вся, елика имеяше, и отдати. и егда стоите молящеся, отпущайте, аще что имате на кого, да и Отец ваш, иже есть на небесех, отпустит вам согрешения ваша: Трезвитеся, бодрствуйте, зане супостат ваш диавол, яко лев рыкая, ходит, иский кого поглотити: весть Господь благочестивыя от напасти избавляти, неправедники же на день судныи мучимы блюсти, искушение вас не достиже, точию человеческое. верен же Бог, иже не оставит вас искуситися паче, еже можете, но сотворит со искушением и избытие, яко возмощи вам понести.

И рече к ним: кто от вас имать друга, и идет к нему в полунощи, и речет ему: друже, даждь ми взаим три хлебы:

понеже друг прииде с пути ко мне, и не имам чесо предложити ему.

И той извнутрь отвещав речет: не твори ми труды: уже двери затворены суть, и дети моя со мною на ложи суть: и не могу востав дати тебе.

Глаголю же вам: аще и не даст ему востав, зане друг ему есть: но за безочьство его, востав даст ему, елика требует.

И аз вам глаголю: просите, и дастся вам: ищите, и обрящете: толцыте, и отверзется вам:

всяк бо просяй приемлет, и ищяй обретает, и толкущему отверзется.

Котораго же вас отца воспросит сын хлеба, еда камень подаст ему? или рыбы, еда в рыбы место змию подаст ему?

или аще попросит яица, еда подаст ему скорпию?

Аще убо вы зли суще, умеете даяния блага даяти чадом вашым, кольми паче Отц, иже с небесе, даст духа святаго просящым у него?

И бе изгоня беса, и той бе нем: бысть же бесу изшедшу, проглагола немый: и дивишася народи.

Нецыи же от них реша: о веельзевуле князи бесовстем изгонит бесы.

Друзии же искушающе, знамения от него искаху с небесе.