Св. Евангелие от Иоанна 1:17
Деяния св. Апостолов 7:53
яко закон моисеом дан бысть, благодать и истина Иисус Христом бысть.
иже приясте закон устроением ангелским и не сохранисте.
Се ты иудей именуешися, и почиваеши на законе, и хвалишися о Бозе,
и разумееши волю, и разсуждаеши лучшая, научаемь от закона,
уповая же себе вожда быти слепым, света сущым во тме,
наказателя безумным, учителя младенцем, имуща образ разума и истины в законе.
научая убо инаго, себе ли не учиши,
проповедая не красти, крадеши. глаголяи не прелюбы творити, прелюбы твориши. гнушаяся идол, святая крадеши.
иже в законе хвалишися, преступлением закона Бога безчествуеши.
Имя бо Божие вами хулится во языцех, якоже есть писано.
Обрезание бо пользует, аще закон твориши. аще же закона преступник еси, обрезание твое необрезание бысть.
Аще убо необрезание оправдание закона сохранит, не необрезание ли его во обрезание вменится,
и осудит еже от естества необрезание, закон совершающее, тебе, иже писанием и обрезанием еси преступник закона.
Не бо иже яве, иудей есть, ни еже яве во плоти, обрезание.
но иже в тайне иудей, и обрезание сердца духом, не писанием: емуже похвала не от человек, но от Бога.