Книга Св. Евангелие от Иоанна Cтих 3

Егоже бо посла Бог, глаголы Божия глаголет: не в меру бо Бог дает духа. Како вы можете веровати, славу друг от друга приемлюще, и славы, яже от единаго Бога, не ищете? Отвеща Иисус и рече им: се есть дело Божие, да веруете в того, егоже посла он. Якоже посла мя живый Отц, и аз живу Отца ради: и ядый мя, и той жив будет мене ради. Тии бо о нас возвещают, каков вход имехом к вам, и како обратистеся к Богу от идол, работати Богу живу и истинну Вемы же, яко Сын Божий прииде и дал есть нам разум, да познаем Бога истиннаго и да будем во истиннем Сыне его Иисусе Христе: сей есть истинный Бог и живот вечный.

аз прославих тя на земли, дело соверших, еже дал еси мне да сотворю.

и ныне прослави мя ты, оче, у тебе самого славою, юже имех у тебе прежде мир не бысть.

явих имя твое человеком, ихже дал еси мне от мира. твои беша, и мне их дал еси, и слово твое сохраниша.

ныне разумеша, яко вся, елика дал еси мне, от тебе суть.

яко глаголы, ихже дал еси мне, дах им. и тии прияша, и разумеша воистинну, яко от тебе изыдох, и вероваша, яко ты мя послал еси.

аз о сих молю. не о всем мире молю, но о тех, ихже дал еси мне, яко твои суть.

и моя вся твоя суть, и твоя моя. и прославихся в них.

и ктому несмь в мире, и сии в мире суть, и аз к тебе гряду. оче стыи, соблюди их во имя твое, ихже дал еси мне, да будут едино, якоже и мы.

егда бех с ними в мире, аз соблюдах их во имя твое. ихже дал еси мне, сохраних, и никтоже от них погибе, токмо сын погибельныи, да сбудется писание.

ныне же к тебе гряду, и сия глаголю в мире, да имут радость мою исполнену в себе.

аз дах им слово твое, и мир возненавиде их, яко не суть от мира, якоже и аз от мира несмь.

не молю, да возьмеши их от мира, но да соблюдеши их от неприязни.