Книга Св. Евангелие от Иоанна Cтих 25

В том живот бе, и живот бе свет человеком: Веруяи в Сына имать живот вечныи. а иже не верует в Сына, не узрит живота, но гнев Божии пребывает на нем. Якоже бо Отец воскрешает мертвыя и живит, тако и Сын, ихже хощет, живит. Якоже бо Отец имать живот в себе, тако даде и Сынови живот имети в себе. Не дивитеся сему: яко грядет час, в оньже вси сущии во гробех услышат глас Сына Божия, любяй душу свою, погубит ю: и ненавидяй души своея в мире сем, в живот вечный сохранит ю: и вем, яко заповедь его живот вечный есть: яже убо аз глаголю, якоже рече мне Отц, тако глаголю. Глагола ему Иисус: аз есмь путь и истина и живот: никтоже приидет ко Отцу, токмо мною: якоже бо о адаме вси умирают, такожде и о Христе вси оживут. кииждо же во своем чину. начаток Христос, потом же Христу веровавшии, в пришествии его.

и всяк живый и веруяй в мя не умрет во веки. Емлеши ли веру сему?

Глагола ему: ей, Господи: аз веровах, яко ты еси Христос Сын Божий, иже в мир грядый.

И сия рекши, иде и пригласи марию сестру свою тай, рекши: учитель пришел есть, и глашает тя.

Она же яко услыша, воста скоро и иде к нему.

Не уже бо бе пришел Иисус в весь, но бе на месте, идеже срете его марфа.

Иудее же убо сущии с нею в дому и утешающе ю, видевше марию, яко скоро воста и изыде, по ней идоша, глаголюще, яко идет на гроб, да плачет тамо.

Мариа же яко прииде, идеже бе Иисус, видевши его, паде ему на ногу, глаголющи ему: Господи, аще бы еси был зде, не бы умерл мой брат.

Иисус убо, яко виде ю плачущуся и пришедшыя с нею иудеи плачущя, запрети духу, и возмутися сам,

и рече: где положисте его? Глаголаша ему: Господи, прииди и виждь.

Прослезися Иисус.

Глаголаху убо жидове: виждь, како любляше его.

Нецыи же от них реша: не можаше ли сей, отверзый очи слепому, сотворити, да и сей не умрет?