Книга Послание к Евреям Cтих 10 | Параллельные места

оставльше бо заповедь Божию, держите предания человеческая, крещения чваном и сткляницам, и ина подобна такова многа творите. Да никтоже убо вас осуждает о ядении, или о питии, или о части праздника, или о новомесячиих, или о субботах: иже не по закону заповеди плотския бысть, но по силе живота неразрушаемаго. Отлагание убо бывает прежде бывшия заповеди за немощное ея и неполезное: ничтоже бо совершил закон: привведение же есть лучшему упованию, имже приближаемся к Богу. Егоже воображение ныне и нас спасает крещение, не плотския отложение скверны, но совести благи вопрошение у Бога, воскреснием Иисус Христовым,

Христос же пришед архиерей грядущих благ, болшею и совершеннейшею скиниею, нерукотворенною, сиречь, не сея твари,

ни кровию козлею ниже телчею, но своею кровию, вниде единою во святая, вечное искупление обретый.

Аще бо кровь козляя и телчая и пепел юнчий кропящий оскверненыя освящает к плотстей чистоте:

кольми паче кровь Христова, иже духом святым себе принесе непорочна Богу, очстит совесть нашу от мертвых дел, во еже служити нам Богу живу и истинну?

И сего ради новому завету ходатай есть, да смерти бывшей, во искупление преступлений бывших в первем завете, обетование вечнаго наследия приимут званнии.

Идеже бо завет, смерти нужно есть вноситися завещающаго,

завет бо в мертвых известен есть: понеже ничесоже может, егда жив есть завещаваяй.

Темже ни первый без крове обновлен бысть.

Реченней бо бывшей всяцей заповеди по закону от моисеа всем людем, приемь кровь козлюю и телчую, с водою и волною червленою и иссопом, самыя же тыя книги и вся люди покропи,

глаголя: сия кровь завета, егоже завеща к вам Бог.

И скинию же и вся сосуды служебныя кровию такожде покропи.

И отнюд кровию вся очищаются по закону, и без кровопролития не бывает оставление.