и ходите в любви, якоже и Христос возлюбил есть нас, и предаде себе за ны приношение и жертву Богу в воню благоухания.
Темже, братие святая, звания небеснаго причастницы, разумейте посланника и святителя исповедания нашего Иисуса Христа,
Имуще убо архиереа велика, прошедшаго небеса, Иисуса Сына Божия, да держимся исповедания.
Всяк бо первосвященник, от человек приемлемь, за человеки поставляется на службы яже к Богу, да приносит дары же и жертвы о гресех,
и сего ради должен есть якоже о людех, такожде и о себе приносити за грехи.
Глава же о глаголемых: такова имамы первосвященника, иже седе о десную прстола величествия на небесех,
Христос же пришед архиерей грядущих благ, болшею и совершеннейшею скиниею, нерукотворенною, сиречь, не сея твари,
ни кровию козлею ниже телчею, но своею кровию, вниде единою во святая, вечное искупление обретый.
Аще бо кровь козляя и телчая и пепел юнчий кропящий оскверненыя освящает к плотстей чистоте:
кольми паче кровь Христова, иже духом святым себе принесе непорочна Богу, очстит совесть нашу от мертвых дел, во еже служити нам Богу живу и истинну?
И сего ради новому завету ходатай есть, да смерти бывшей, во искупление преступлений бывших в первем завете, обетование вечнаго наследия приимут званнии.
И отнюд кровию вся очищаются по закону, и без кровопролития не бывает оставление.
понеже подобаше бы ему множицею страдати от сложения мира: ныне же единою в кончину веков, во отметание греха, жертвою своею явися.
тако и Христос единою принесеся, во еже вознести многих грехи, второе без греха явится, ждущым его во спсние.
И всяк убо священник стоит на всяк день служя и тыяжде множицею принося жертвы, яже никогдаже могут отяти грехов.
А идеже отпущение сих, ктому несть приношения о гресех.