Св. Евангелие от Матфея 24:7
Св. Евангелие от Матфея 24:31
Св. Евангелие от Марка 13:24
Св. Евангелие от Марка 13:25
Св. Евангелие от Луки 21:25
Деяния св. Апостолов 2:20
Откровение Иоанна Богослова 8:10
Откровение Иоанна Богослова 8:12
Откровение Иоанна Богослова 9:1
Откровение Иоанна Богослова 16:18
Востанет бо язык на язык, и царство на царство: и будут глади и пагубы и труси по местом:
и послет ангелы своя с трубным гласом велиим, и соберут избранныя его от четырех ветр, от конец небес до конец их.
Но в тыя дни, по скорби той, солнце померкнет, и луна не даст света своего,
и звезды будут с небесе спадающя, и силы, яже на небесех, подвижутся.
И будут знамения в солнце и луне и звездах: и на земли туга языком от нечаяния, шума морскаго и возмущения,
солнце преложится во тму, и луна в кровь, прежде даже не приити дню Господню великому и просвещенному:
И третий ангел воструби, и паде с небесе звезда велика, горящи яко свеща, и паде на третию часть рек и на источники водныя:
И четвертый ангел воструби, и уязвена бысть третия часть солнца и третия часть луны и третия часть звезд, да затмится третия часть их, и дне третия часть да не светит, и нощь такожде.
И пятый ангел воструби, и видех звезду с небесе спадшу на землю: и дан бысть ей ключь студенца бездны:
И быша блистания и громи и гласи, и бысть трус велик, яков николиже бысть, отнележе быша человецы на земли, толик трус, тако велий.