Книга Деяния св. Апостолов Cтих 4

И воззревше нань вси седящии в сонмищи, видеша лице его яко лице ангела. Он же воззрев нань и пристрашен быв рече: что есть, Господи? рече же ему: молитвы твоя и милостыни твоя взыдоша на память пред Бога: Савл же, иже и павел, исполнися Духа свята, и воззрев нань, Сей слышаше павла глаголюща: иже воззрев нань и видев, яко веру имать здрав быти, Воззрев же павел на сонм, рече: мужие братие, аз всею совестию благою жителствовах пред Богом даже до сего дне.

Он же прилежаше има, мня нечто от нею прияти.

Рече же петр: сребра и злата несть у мене, но еже имам, сие ти даю: во имя Иисуса Христа назореа востани и ходи.

И емь его за десную руку воздвиже: абие же утвердистеся его плесне и глезне,

и вскочив ста и хождаше, и вниде с нима в церковь, ходя и скачя и хваля Бога.

И видеша его вси людие ходяща и хваляща Бога,

знаху же его, яко сей бяше, иже милостыни ради седяше при красных дверех церковных: и исполнишася чуда и ужаса о приключившемся ему.

Держащужеся исцелевшему хромому петра и иоанна, притекоша к нима вси людие в притвор, нарицаемый соломонов, ужасни.

Видев же петр отвещаваше к людем: мужие Израилтяне, что чудитеся о сем, или на ны что взираете, яко своею ли силою или благочестием сотворихом его ходити?

Бог авраамов и исааков и иаковль, Бог отец наших, прослави отрока своего Иисуса, егоже вы предасте, и отвергостеся его пред лицем пилатовым, суждьшу оному пустити:

вы же святаго и првднаго отвергостеся, и испросисте мужа убийцу дати вам,

началника же жизни убисте: егоже Бог воскреси от мертвых, емуже мы свидетелие есмы.

И о вере имене его, сего, егоже видите и знаете, утверди имя его: и вера, яже его ради, даде ему всю целость сию пред всеми вами.