Книга Деяния св. Апостолов Cтих 16

Петр же рече к ним: покайтеся, и да крестится кийждо вас во имя Иисуса Христа во оставление грехов: и приимете дар святаго Духа: и зде имать власть от архиерей связати вся нарицающыя имя твое. Всяк бо, иже аще призовет имя Господне, спасется. Похотей юных бегай, держися же правды, веры, любве, мира со всеми призывающими Господа от чистаго сердца. да приступаем со истинным сердцем во извещении веры, окроплени сердцы от совести лукавыя и измовени телесы водою чистою:

Бысть же возвратившумися во иерусалим и молящумися в церкви, быти во изступлении

и видети его глаголюща ми: потщися и изыди скоро из иерусалима, зане не приимут свидетелства твоего, еже о мне.

И аз рех: Господи, сами ведят, яко аз бех всаждая в темницу и бия по сонмищих верующыя в тя,

и егда изливашеся кровь стефана свидетеля твоего, и сам бех стоя и соизволяя убиению его и стрегий риз убивающих его.

И рече ко мне: иди, яко аз во языки далече послю тя.

Послушаху же его даже до сего словесе и воздвигоша глас свой, глаголюще: возьми от земли таковаго, не подобает бо ему жити.

Вопиющым же им и мещущым ризы и прах возметающым на воздух,

повеле тысящник отвести его в полк, рек ранами истязати его, да разумеет, за кую вину тако вопияху нань.

И якоже протягоша его вервьми, рече к стоящему сотнику павел: человека римлянина и неосуждена леть ли есть вам бити?

Слышав же сотник, приступи к тысящнику, сказа, глаголя: виждь, что хощеши сотворити? человек бо сей римлянин есть.

Приступль же тысящник рече ему: глаголи ми, римлянин ли еси ты? Он же рече: ей.

Отвеща же тысящник: аз многою ценою наречение жителства сего стяжах. Павел же рече: аз же и родихся в нем.

Абие убо отступиша от него хотящии его истязати, и тысящник же убояся, разумев, яко римлянин есть, и яко бе его связал.

На утрие же, хотя разумети истину, чесо ради оклеветается от иудей, разреши его от уз и повеле приити архиереем и всему собору их: и свед павла, постави пред ними.

← Предыдущая

Деяния св. Апостолов

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

Выбор основного перевода