Книга Деяния св. Апостолов Cтих 14

Бог авраамов и исааков и иаковль, Бог отец наших, прослави отрока своего Иисуса, егоже вы предасте, и отвергостеся его пред лицем пилатовым, суждьшу оному пустити: вы же святаго и првднаго отвергостеся, и испросисте мужа убийцу дати вам, Бог отец наших воздвиже Иисуса, егоже вы убисте, повесивше на древе: кого от пророк не изгнаша отцы ваши? и убиша предвозвестившыя о пришествии првднаго, егоже вы ныне предателе и убийцы бысте, Рече же к нему Господь: иди, яко сосуд избран ми есть сей, пронести имя мое пред языки и царьми и сынми Израилевыми: но востани и стани на ногу твоею: на се бо явихся ти, сотворити тя слугу и свидетеля, яже видел еси и яже явлю тебе, несмь ли апл, несмь ли свободь, не Иисуса Христа ли Господа нашего видех, не дело ли мое вы есте о Господе, последи же всех, яко некоему извергу, явися и мне.

яко будеши ему свидетель у всех человеков о сих, яже видел еси и слышал:

и ныне что медлиши? востав крестися и омый грехи твоя, призвав имя Господа Иисуса.

Бысть же возвратившумися во иерусалим и молящумися в церкви, быти во изступлении

и видети его глаголюща ми: потщися и изыди скоро из иерусалима, зане не приимут свидетелства твоего, еже о мне.

И аз рех: Господи, сами ведят, яко аз бех всаждая в темницу и бия по сонмищих верующыя в тя,

и егда изливашеся кровь стефана свидетеля твоего, и сам бех стоя и соизволяя убиению его и стрегий риз убивающих его.

И рече ко мне: иди, яко аз во языки далече послю тя.

Послушаху же его даже до сего словесе и воздвигоша глас свой, глаголюще: возьми от земли таковаго, не подобает бо ему жити.

Вопиющым же им и мещущым ризы и прах возметающым на воздух,

повеле тысящник отвести его в полк, рек ранами истязати его, да разумеет, за кую вину тако вопияху нань.

И якоже протягоша его вервьми, рече к стоящему сотнику павел: человека римлянина и неосуждена леть ли есть вам бити?

Слышав же сотник, приступи к тысящнику, сказа, глаголя: виждь, что хощеши сотворити? человек бо сей римлянин есть.