Книга Деяния св. Апостолов Cтих 14

да приидет царствие твое: да будет воля твоя, яко на небеси, и на земли: И прешед мало, паде на лицы своем, моляся и глаголя: Отче мой, аще возможно есть, да мимоидет от мене чаша сия: обаче не якоже аз хощу, но якоже ты. Паки вторицею шед помолися, глаголя: Отче мой, аще не может сия чаша мимоити от мене, аще не пию ея, буди воля твоя. и глаголаше: авва Отче, вся возможна тебе: мимо неси от мене чашу сию: но не еже аз хощу, но еже ты. глаголя: Отче, аще волиши мимонести чашу сию от мене: обаче не моя воля, но твоя да будет. аминь, аминь глаголю тебе. егда был еси юн, поясался еси сам, и ходил еси, аможе хотел еси. егда же состареешися, воздежеши руце твои, и ин тя пояшет, и ведет, аможе не хощеши.

По днех же сих уготовльшеся взыдохом во иерусалим:

приидоша же с нами и нецыи ученицы от кесарии, ведуще с собою, у негоже бы обитати нам, мнасона некоего кипрянина, древняго ученика.

Бывшым же нам во иерусалиме, любезно прияша нас братия.

На утрие же вниде павел с нами ко иакову, вси же приидоша старцы.

И целовав их, сказаше по единому коеждо, еже сотвори Бог во языцех служением его.

Они же слышавше славляху Бога и рекоша ему: видиши ли, брате, колико тем есть иудей веровавших? и вси ревнителие закону суть:

увестишася же о тебе, яко отступлению учиши от закона моисеова живущыя во языцех вся иудеи, глаголя не обрезовати им чад своих, ниже во обычаех отеческих ходити.

Что убо есть? Всяко подобает народу снитися: услышат бо, яко пришел еси.

Сие убо сотвори, еже ти глаголем: суть у нас мужие четыри обещавше себе Богу:

сия поим очистися с ними и иждиви на них, да острижут си главы: и разумеют вси, яко возвещенная им о тебе ничтоже суть, но пребываеши и сам закон храня.

А о веровавших языцех мы послахом, судивше ничтоже таковое соблюдати им, токмо хранити себе от идоложертвенных и крове, и удавленины и блуда.

Тогда павел поемь мужы оны, на утрие с ними очищься вниде во святилище, возвещая исполнение дний очищения, дондеже принесено бысть за единаго коегождо их приношение.