Книга Деяния св. Апостолов Cтих 9

Восташа же нецыи от сонма глаголемаго ливертинска и киринейска и александрска, и иже от киликии и асии, стязающеся со стефаном: Прошедше же фригию и галатийскую страну, возбранени от святаго Духа глаголати слово во асии. Петр, апостол Иисус Христов, избранным пришельцем разсеяния понта, галатии, каппадокии, асии и вифинии, Целуйте епенета возлюбленнаго ми, иже есть начаток ахаии во Христа. что убо глаголю, яко идол что есть, или идоложертвенное что есть, Не бо хощем вас, братие, не ведети о скорби нашей бывшей нам во асии, яко по премногу и паче силы отяготихомся, яко не надеятися нам и жити.

во фригии же и памфилии, во египте и странах ливии, яже при киринии, и приходящии римляне, иудее же и пришелцы,

критяне и аравляне, слышим глаголющих их нашими языки величия Божия?

Ужасахуся же вси и недоумевахуся, друг ко другу глаголюще: что убо хощет сие быти?

Инии же ругающеся глаголаху, яко вином исполнени суть.

Став же петр со единонадесятьми, воздвиже глас свой и рече им: мужие иудейстии и живущии во иерусалиме вси, сие вам разумно да будет, и внушите глаголы моя:

не бо, якоже вы непщуете, сии пияни суть, есть бо час третий дне:

но сие есть реченное пророком иоилем:

и будет в последния дни, глаголет Господь, излию от Духа моего на всяку плоть, и прорекут сынове ваши и дщери вашя, и юноши ваши видения узрят, и старцы ваши сония видят:

ибо на рабы моя и на рабыни моя во дни оны излию от Духа моего, и прорекут:

и дам чудеса на небеси горе и знамения на земли низу, кровь и огнь и курение дыма:

солнце преложится во тму, и луна в кровь, прежде даже не приити дню Господню великому и просвещенному:

и будет, всяк, иже аще призовет имя Господне, спасется.