Мудры ўваходзіць у горад моцных і руйнуе цьвярдыню іхняй надзеі.
Чалавек мудры — дужы, і чалавек разумны мацуе сілу сваю.
Яшчэ вось якую мудрасьць пад сонцам я ўгледзеў, і яна мне здалася важнаю:
горад невялікі, і людзей у ім небагата; падступіўся да яго вялікі цар, і атачыў яго шчыльна, і падрыхтаваў супроць яго аблогу;
але знайшоўся ў ім мудры бядняк, і ён выратаваў мудрасьцю горад; але ж потым ніхто не згадаў таго бедака.
І сказаў я: мудрасьць лепшая за сілу, але мудрасьць бедняка заняхайваецца, і словаў ягоных ня слухаюць.
Словы мудрых, спакойныя, выслухоўваюцца лепей, чым крык валадара сярод дурняў.
Мудрасьць лепшая за вайсковую зброю; але адзін грэшнік загубіць многа дабра.