Агар мен кириб кетсам қабрга, Менинг ўлимимдан не фойда Сенга?! Тупроқ Сенга ҳамду сано айтарми?! Сенинг содиқлигингни у сўйларми?!
Мўъжизаларингни марҳумларга кўрсатасанми?! Мурдалар туриб, Сенга ҳамду сано айтармикан?!
Сенинг содиқ севгинг қабрда эълон қилинарми?! Ҳалокат диёрида Сенинг садоқатинг ҳақида айтиларми?!
Зулмат диёрида мўъжизаларинг маълум бўларми?! Унутилганлар маконида одиллигинг ҳақида сўйланарми?!
Ўлим сукунатига ботган марҳумлар Эгамизга ҳамду сано айтмаслар.
Ахир, ўликлар диёри Сенга шукур қилмайди, Ўлим Сенга ҳамду сано айтмайди. Қабрга борадиганлар Сенинг садоқатингдан умид қилмайди.