Книга Откровение Cтих 18 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Откровение Яңа Гаһед

Яңа Гаһед

От Матфея

От Марка

От Луки

От Иоанна

Деяния

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Иакова

1. Петра

2. Петра

1. Иоанна

2. Иоанна

3. Иоанна

Иуды

Откровение

← Предыдущая

Откровение

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22

Кулларында җиде касә булган фәрештәләрнең берсе килде дә миңа әйтте: «Кил монда. Мин сиңа күп суларда утыручы бѳек фахишәгә булачак хѳкем җәзасын күрсәтермен.

Аның белән җир патшалары фәхешлек иттеләр, аның фәхешлек шәрабыннан җирдә яшәүчеләр исергәнче эчтеләр».

Мине Рух биләп алды, һәм фәрештә мине чүлгә күчерде. Мин җиде башлы һәм ун мѳгезле, кѳфер исемнәр белән тулы булган кызыл җанвар ѳстендә утыручы хатынны күрдем.

Хатын шәмәхә һәм кызыл тѳстәге киемнәргә киенгән, алтын, асылташлар һәм энҗе белән бизәлеп матурланган, кулына үзенең фәхешлегенең чирканычлыгы һәм шакшылыгы тулы алтын касә тоткан иде.

Аның маңгаена серле исем язылган: «Бѳек Бабыл – җир фахишәләренең һәм чирканыч нәрсәләрнең анасы».

Мин хатынның изгеләр каныннан һәм Гайсә шаһитләренең каныннан исергәнлеген күрдем. Аны күргәннән мин бик нык гаҗәпләндем.

Фәрештә миңа әйтте: «Син нигә гаҗәпләндең? Мин сиңа хатынның һәм аны йѳртүче җиде башлы һәм ун мѳгезле җанварның серен аңлатып бирәм.

Син күргән җанвар бар иде, инде ул юк; ул упкыннан күтәрелеп чыгачак һәм һәлак ителәчәк. Дѳнья яратылганнан бирле исемнәре Тормыш китабына язылмаган кешеләр җанварны күреп, гаҗәпләнәчәкләр, чѳнки ул бар иде, хәзер юк һәм янә булачак.

Монда зирәк акыл кирәк. Җиде баш – хатын утырган җиде тау, шулай ук – җиде патша ул.

Ул патшаларның бишесе һәлак булды, берсе бар, башкасы әле килмәгән. Килгәч, ул озак булырга тиеш түгел.

Ә булган һәм хәзер булмаган җанвар – ул сигезенче патша. Ул – җиде патшаның берсе, һәм ул һәлакәткә бара.

Син күргән ун мѳгез – ун патша ул. Алар патшалыкларын әле алмадылар. Әмма җанвар белән бергә, бер сәгатькә, патшалар дәрәҗәсендә хакимлек алачаклар.

Аларның ниятләре бер, алар җанварга үзләренең кѳчләрен һәм хакимлекләрен тапшырачаклар.

Алар Бәрән белән сугышачаклар һәм Бәрән аларны җиңәчәк, чѳнки Ул – хакимнәрнең Хуҗасы һәм патшаларның Патшасы. Аның белән бергә булганнар исә чакырылганнар, сайланганнар һәм тугрылар».

Шуннан соң, фәрештә миңа әйтте: «Син күргән фахишә утырган сулар исә – алар халыклар, тѳркемнәр, милләтләр һәм телләр.

Син күргән ун мѳгез һәм җанвар фахишәне нәфрәт итәчәк һәм аны бѳлгенлеккә тѳшерәчәк, ялангач калдырачак, аның тәнен ашаячак һәм аны утта яндырачак.

Чѳнки Аллаһы аларның ниятләре бер булырга һәм үз патшалыкларын җанварга тапшырырга, моның белән Үзенең ихтыярын үтәргә аларның йѳрәкләренә салган. Болар барысы Аллаһының сүзләре тормышка ашканга кадәр булачак.

Ә син күргән хатын – җир патшалары ѳстеннән патшалык итүче бѳек шәһәр ул».

Параллельные места

Откровение 16:19

Бѳек шәһәр ѳч ѳлешкә бүленде һәм халыкларның шәһәрләре җимерелде. Аллаһы бѳек Бабылны искә тѳшерде һәм Үзенең ярсулы ачу касәсеннән шәраб эчәргә бирде.

← Предыдущая

Откровение

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22

Выбор основного перевода