Книга К Римлянам Cтих 23 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

К Римлянам Яңа Гаһед

Яңа Гаһед

От Матфея

От Марка

От Луки

От Иоанна

Деяния

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Иакова

1. Петра

2. Петра

1. Иоанна

2. Иоанна

3. Иоанна

Иуды

Откровение

← Предыдущая

К Римлянам

Следующая →

1 2 3 4 5 6 7 8 9 10 11 12 13 14 15 16

Әй, син, башкаларны хѳкем итүче адәм, үзеңне аклап һичнәрсә әйтә алмыйсың; чѳнки башкаларның эшләрен хѳкем итүең белән үзеңне дә хѳкем итәсең, син үзең дә шул ук эшләрне эшлисең бит.

Без исә беләбез: андый эш эшләүчеләр ѳчен Аллаһының хѳкеме гадел.

Әй, син, адәм, андый гамәл кылучыларны хѳкем итәсең, ә үзең шул ук эшләрне эшлисең! Әллә син Аллаһы хѳкеменнән качып котылырмын дип уйлыйсыңмы?

Яки, Аллаһының игелеге сине тәүбәгә китерәчәген аңламыйча, Аның зур игелеген, сабырлыгын һәм түземлеген санга сукмыйсыңмы?

Ләкин кирелегең һәм тәүбә итәргә теләмәгән йѳрәгең аркасында син Аллаһының гадел хѳкеме ачылачак ачу кѳненә җәзаңны арттырасың.

Аллаһы һәркемгә аның эшләренә карап түләр:

сабырлык белән игелекле эшләр кылып данга, хѳрмәткә һәм үлемсезлеккә омтылучыларга Ул мәңгелек тормыш бирә.

Ә инде үзен генә яратып, хакыйкатькә буйсынмыйча, явызлык артыннан баручылар ѳстенә Аллаһы Үз ачуын һәм ярсуын тѳшерәчәк.

Явызлык кылучы һәркемгә – башта яһүдкә, аннары яһүд булмаганга – михнәт һәм газап булачак.

Ә игелек кылучы һәркемгә – башта яһүдкә, аннары яһүд булмаганга – дан, хѳрмәт һәм иминлек булачак.

Чѳнки Аллаһы һәркемгә бертигез карый.

Кануны булмаган хәлдә гѳнаһ кылганнар шул хәлдә һәлак булачаклар да; ә инде канунны белә торып гѳнаһ кылганнар канун буенча хѳкем ителәчәкләр.

Чѳнки канунны ишетүчеләр түгел, бәлки канунны үтәүчеләр Аллаһы каршында акланган дип игълан ителәчәк.

Мәҗүсиләрнең кануны юк, ләкин алар, табигый тойгылары белән канун буенча эшләгән вакытта, кануннары булмаса да, үзләренә үзләре канун.

Бу исә аларның йѳрәкләренә канун таләпләре язылганлыгын күрсәтә; моны аларның вѳҗданы да раслый, чѳнки аларның уй-фикере кайвакыт аларны гаепли, ә кайвакыт хәтта яклый да.

Мин сѳйләгән Яхшы хәбәр буенча, кешеләрнең серләрен Гайсә Мәсих аркылы Аллаһы хѳкем итәчәк кѳндә әнә шулай булачак.

Менә син үзеңне яһүд дип атыйсың, Муса канунына таянасың һәм Аллаһы белән мактанасың,

кануннан ѳйрәнеп, Аллаһының ихтыярын һәм яманнан яхшыны аера беләсең.

Сукырларның юл күрсәтүчесе, караңгылыктагылар ѳчен яктылык,

наданнарның остазы, тәҗрибәсезләрнең укытучысы син үзең булуына ышанасың һәм, канун белем вә хакыйкатьне гәүдәләндерә, дип саныйсың.

Шулай булгач, ничек соң син, башкаларны ѳйрәтеп тә, үзеңне-үзең ѳйрәтмисең? Урламаска үгетлисең, ә үзең урлыйсыңмы?

«Зина кылма» дисең, ә үзең зина кыласыңмы? Потлардан җирәнәсең, ә үзең аларның табыну урынын талыйсыңмы?

Аллаһы кануны белән мактанасың, ә үзең, аны бозып, Аллаһыны мәсхәрәлисеңме?

Параллельные места

К Римлянам 2:17

Менә син үзеңне яһүд дип атыйсың, Муса канунына таянасың һәм Аллаһы белән мактанасың,

Изге язмада язылганча, «мәҗүсиләр Аллаһы исемен сезнең аркада мәсхәрәлиләр».

Канунны үтәсәң, сѳннәтле булуың файдалы; ә инде син аны бозасың икән, ул чакта сѳннәткә утыртылмаган кебек буласың.

Шулай булгач, сѳннәтсез кеше канун кагыйдәләрен үтәсә, ул сѳннәткә утыртылган булып саналмасмы?

Тышкы яктан сѳннәтсез булган, әмма канунны үтәүче кеше, син язылган канунга һәм сѳннәтлелеккә ия булсаң да, сине канунны бозганың ѳчен хѳкем итәр.

Чѳнки тышкы яктан гына яһүд булган – чын яһүд түгел, һәм тәндә генә булган сѳннәтләнү чын сѳннәт түгел.

Әмма эчке яктан яһүд булган гына чын яһүдтер; һәм язылган канун түгел, бәлки, Рух китергән, йѳрәк түрендә булган сѳннәт кенә чын сѳннәттер. Мондый кешегә мактау кешеләрдән түгел, бәлки Аллаһыдан килә.

← Предыдущая

К Римлянам

Следующая →

1 2 3 4 5 6 7 8 9 10 11 12 13 14 15 16

Выбор основного перевода