Книга От Луки Cтих 11 | Параллельные места

Иаковӕй райгуырди Мариайы мой Иосиф; Мариа ныййардта, Чырысти Кӕй хонынц, уыцы Йесойы. Симон Петр Ын дзуапп радта: «Ды Чырысти дӕ, цардӕгас Хуыцауы Фырт». Мӕ Хицауы Мад мӕм ӕрбацӕуа, ахӕм хорзӕх мӕм цӕмӕн ӕрхауд? Уыцы сылгоймагӕн та дзырдтой: «Ныр дӕ ныхасӕй нал ӕууӕндӕм, фӕлӕ Йӕм нӕхӕдӕг байхъуыстам ӕмӕ зонӕм, Уый ӕцӕгӕй дунейы Ирвӕзынгӕнӕг [Чырысти] кӕй у, уый». Уӕдӕ ӕппӕт израилаг адӕм фидарӕй зонӕнт: сымах Кӕй байтыгътат, уыцы Йесойы Хуыцау скодта Хицау ӕмӕ Чырысти».

Мӕнӕ Йӕ уымӕй базондзыстут: Сывӕллоны ссардзыстут хӕцъилты тыхтӕй, кӕвдӕсы хуысгӕйӕ».

Зӕдимӕ ӕваст баиу ӕнӕнымӕц уӕларвон ӕфсад, ӕмӕ кад кодтой Хуыцауӕн:

«Намыс Хуыцауӕн уӕлӕрвты, зӕххыл та фӕрнджын уӕнт, Хуыцау кӕуыл ауды, уыдон».

Зӕдтӕ сӕ цурӕй уӕларвмӕ куы сивгъуыдтой, уӕд фыййӕуттӕ кӕрӕдзийӕн загътой: «Уӕдӕ фӕцӕуӕм Вифлееммӕ ӕмӕ фенӕм, цы ӕрцыди – Хуыцау нын цӕй тыххӕй фехъусын кодта, уый».

Атындзыдтой уырдӕм; куы бахӕццӕ сты, уӕд дзы баййӕфтой Мариа ӕмӕ Иосифы, ӕмӕ Сывӕллоны кӕвдӕсы хуысгӕйӕ.

Куы Йӕ федтой, уӕд радзырдтой, уыцы Сывӕллоны тыххӕй сын цы загъдӕуыд, уый.

Фыййӕуттӕ сын цы загътой, уый дисы бафтыдта, чи сӕ фехъуыста, уыдоны сеппӕты дӕр.

Мариа та ӕппӕт уыдӕттӕ дардта Йӕ зӕрдӕйы, ӕмӕ сыл нывӕзта Йӕ хъуыдытӕ.

Фыййӕуттӕ раздӕхтысты, ӕмӕ цы фехъуыстой, цы федтой, уый тыххӕй кад кодтой Хуыцауӕн. Ӕппӕт дӕр рауади, куыд сын загъдӕуыд, афтӕ.

Аст боны фӕстӕ, Сывӕллонӕн сунӕты афон куы ралӕууыд, уӕд Ӕй схуыдтой Йесо. Зӕд Ын уыцы ном рагацау радта, Йӕ Мады гуыбыны дӕр куы нӕма уыд, уӕд.

Моисейы Ӕгъдаумӕ гӕсгӕ се ссыгъдӕг кӕныны бонтӕ куы аивгъуыдтой, уӕд Йесойы ӕрхастой Иерусалиммӕ, Хуыцауы раз Ӕй ӕрлӕууын кӕнынмӕ,

Хуыцауы Ӕгъдауы куыд фыст у, афтӕ: «Фыццаг сывӕллон лӕппу куы уа, уӕд лӕвӕрд ӕрцӕуӕд Хуыцауӕн».