Ма ӕмбырд кӕнут уӕхицӕн хӕзнатӕ зӕххыл – ам сӕ хӕрынц рӕмпӕг ӕмӕ згӕ, баирвӕзынц сӕм хуыснӕджытӕ ӕмӕ сӕ давынц.
Никӕй бон у дыууӕ хицауӕн кусын – сӕ иуӕй йе сӕфт уындзӕн, иннӕйы та уарздзӕни, кӕнӕ сӕ иуыл иузӕрдион уыдзӕн, иннӕйы та ницӕмӕ дардзӕн. Уӕ бон нӕ бауыдзӕни Хуыцауӕн ӕмӕ мулкӕн кусын.
Сымахыл зӕрдиаг чи у, уый Мӕныл у зӕрдиаг; Мӕныл зӕрдиаг чи у, уый та Мӕ Рарвитӕгыл у зӕрдиаг.
Йесо йын зӕгъы: «Кӕд дӕ фӕнды, ӕмӕ ӕнаипп уай, уӕд ацу, ауӕй кӕн дӕ мулк, ратт ӕй мӕгуыртӕн, ӕмӕ дын уӕлӕрвты уыдзӕни хӕзна. Стӕй-иу раздӕх ӕмӕ цу Мӕ фӕдыл».
Йӕ ныхӕстӕ дисы бафтыдтой ахуыргӕнинӕгты. Фӕлӕ сын Йесо ноджыдӕр загъта: «Мӕ хъӕбултӕ, ӕвӕдза, [мулкӕй ныфс кӕй ис, уымӕн] куыд зын у Хуыцауы Паддзахадмӕ бацӕуын!
Цы уӕм ис, уымӕй иннӕтӕн дӕр фӕхай кӕнут, ӕмӕ уӕд уӕ алы-алцы дӕр уыдзӕни сыгъдӕг.
Ауӕй кӕнут уӕ мулк ӕмӕ йӕ мӕгуыртӕн раттут. Уӕхицӕн саразут, хӕррӕгъ чи нӕ кӕны, ахӕм ӕвӕрӕндӕттӕ; ӕрӕмбырд кӕнут ӕнӕихсигӕ хӕзнатӕ уӕлӕрвты – уым сӕм хуыснӕг нӕ баирвӕзы ӕмӕ сӕ рӕмпӕг нӕ хӕры.
Фӕлӕ куывд куы кӕнай, уӕд ӕрхон мӕгуырты, цӕнкуылты, къуылыхты, куырмыты.
Уыдон аразӕнт хорз хъуыддӕгтӕ, ӕмӕ уыцы хорз хъуыддӕгтӕ уӕнт сӕ хъӕздыгдзинад; уадз ӕмӕ уой рӕдау ӕмӕ зӕрдӕхӕлар;