Книга Бытие Cтих 33 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Бытие Ветхий Завет

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

Ветхий Завет

Бытие

Исход

← Предыдущая

Бытие

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Авраам ноджы ӕрхаста ус, йӕ ном – Хеттурӕ.

Уый Авраамӕн ныййардта Зимраны, Иокшаны, Меданы, Мадианы, Ишбакы ӕмӕ Шуахы.

Иокшанӕн райгуырдысты Шева ӕмӕ Дедан. Деданы фырттӕ: Ашурим, Летушим ӕмӕ Леумим.

Мадианы фырттӕ: Ефа, Ефер, Ханох, Авида ӕмӕ Елдага. Уыдон иууылдӕр сты Хеттурӕйы байзӕддӕгтӕ.

Аврааммӕ цыдӕриддӕр уыдис, уый радта Исаакӕн.

Авраам цалынмӕ удӕгас уыдис, уӕдмӕ йӕ номылустыты лӕппутӕн ракодта лӕвӕрттӕ, ӕмӕ сӕ йӕ фырт Исаакӕй арвыста скӕсӕнмӕ – скӕсӕйнаг зӕхмӕ.

Авраам ӕдӕппӕт фӕцарди сӕдӕ ӕвдай фондз азы.

Бирӕ фӕцӕрыны фӕстӕ скодта фӕстаг улӕфт, амард тынг зӕрондӕй, цардӕй ӕфсӕстӕй ӕмӕ аивгъуыдта йӕ фыдӕлтӕм.

Йӕ фырттӕ Исаак ӕмӕ Измаил ӕй баныгӕдтой Махпелы лӕгӕты, хеттаг Цохары фырт Ефроны быдыры, Мамрейы акомкоммӕ –

Авраам Хеты байзӕддӕгтӕй кӕй балхӕдта, уыцы быдыры. Уым ныгӕд ӕрцыдысты Авраам ӕмӕ йӕ ус Саррӕ.

Авраамы мӕлӕты фӕстӕ йын Хуыцау арфӕ ракодта йӕ фырт Исаакӕн. Исаак царди Беэрлахайроймӕ хӕстӕг.

Мысыраг сылгоймаг Агар, Саррӕйы лӕггадгӕнӕг, Авраамӕн кӕй ныййардта, мӕнӕ йӕ уыцы фырт Измаилы байзӕддӕгтӕ;

Адон сты Измаилы фыртты нӕмттӕ, чи сӕ куыд раздӕр райгуырд, уымӕ гӕсгӕ: Измаилы хистӕр фырт Наваиоф, йӕ фӕстӕ Кедар, Адбеел, Мивсам,

Мишма, Дума, Масса,

Хадад, Фема, Иетур, Нафиш ӕмӕ Кедма.

Уыдон сты Измаилы фырттӕ ӕмӕ сӕ нӕмттӕ – дыууадӕс мыггаджы ӕлдӕрттӕ. Сӕ нӕмттӕ хӕссынц, кӕм ӕрбынатон сты ӕмӕ хӕтӕнхуагӕй кӕм цардысты, уыцы бынӕттӕ дӕр.

Измаил ӕдӕппӕт фӕцарди сӕдӕ ӕртын авд азы, скодта фӕстаг улӕфт, амард ӕмӕ аивгъуыдта йӕ фыдӕлтӕм.

Йӕ байзӕддӕгтӕ ӕрцардысты Ассурмӕ фӕндагыл Мысыры арӕны раз – Сурӕй Хавилмӕ; уыдон сеппӕт ӕфсымӕртимӕ дӕр фидыд нӕ уыдысты.

Мӕнӕ радзырд Авраамы фырт Исаакы тыххӕй. Авраамӕн райгуырд Исаак.

Исаак арамейаг Вафуилы (ПадданАрамы цӕрӕджы) чызджы – арамейаг Лаваны хо Ревеккӕйы куы ракуырдта, уӕд ыл цыди дыууиссӕдз азы.

Исаак Хуыцаумӕ куывта йӕ усы тыххӕй, уымӕн ӕмӕ Ревеккӕ ӕнӕзӕнӕг уыди; Хуыцау фехъуыста Исаакы, ӕмӕ йӕ ус Ревеккӕ басывӕрджын.

Лӕппутӕ ма Ревеккӕйӕн йӕ гуыбыны куы уыдысты, уӕд райдыдтой кӕрӕдзи цӕвын, ӕмӕ Ревеккӕ загъта: «Фидӕны дӕр афтӕ уыдзӕни? Цӕмӕн афтӕ у мӕ хабар?» Ӕмӕ ацыди Хуыцауы бафӕрсынмӕ.

Хуыцау ын загъта: «Дыууӕ адӕмыхатты ис дӕ гуыбыны, дӕуӕй рацӕудзысты дыууӕ адӕмы ӕмӕ ахицӕн уыдзысты кӕрӕдзийӕ; иу адӕм иннӕ адӕмӕй уыдзысты тыхджындӕр, ӕмӕ хистӕр кӕстӕрӕн уыдзӕни цагъар».

Ревеккӕйӕн ралӕууыд йӕ арыны афон: ӕмӕ мӕнӕ йӕ гуыбыны разынди дыууӕ фаззоны.

Райгуырд фыццаг – уыди сырх ӕмӕ цармау хъуынджын; ӕмӕ йыл сӕвӕрдтой Исав.

Уый фӕстӕ райгуырд йе 'фсымӕр: мады гуыбынӕй рацыд йӕ къухӕй Исавы зӕвӕтыл хӕцгӕ; ӕмӕ йыл сӕвӕрдтой Иаков. Куы райгуырдысты, уӕд Исаакыл цыдис ӕртиссӕдз азы.

Лӕппутӕ слӕгтӕ сты; Исав сси дӕсны цуанон, йӕ цард быдыримӕ чи сбаста, ахӕм адӕймаг. Иаков та уыди ӕвӕлмас адӕймаг, царди цатырты.

Исаак уарзта Исавы, уымӕн ӕмӕ йӕ зӕрдӕмӕ цыдысты сырды фыдӕй хӕринӕгтӕ, Ревеккӕ та Иаковы фылдӕр уарзта.

Иухатт Иаков сфыхта хӕринаг; Исав уыцы рӕстӕг ӕрбахӕццӕ быдырӕй тынг фӕлладӕй ӕмӕ ӕххормагӕй.

Исав загъта Иаковӕн: «Раттма мын рӕвдздӕр уыцы сырхсырхидӕй бахӕрынмӕ; тынг сӕххормаг дӕн». (Дыккаг ном дӕр ын – Едом уый тыххӕй радтой.)

Иаков ын дзуапп радта: «Раздӕр уал мын рауӕй кӕн, хистӕр фырт кӕй дӕ, дӕ уыцы бартӕ».

Исав загъта: «Мӕнӕ сыдӕй фӕмӕлын; цы пайда мын ис, хистӕр фырт кӕй дӕн, уымӕй?»

Иаков загъта: «Фыццаг уал мын расомы кӕн». Исав ын расомы кодта, ӕмӕ афтӕмӕй хистӕр фырты бартӕ ауӕй кодта Иаковӕн.

Параллельные места

К Евреям 12:16

Цӕмӕй уӕм ма уа хӕтаг, кӕнӕ ӕнӕхуыцау, Исавау хистӕр фырты бартӕ иу хъӕрмхуыппы къусыл чи баивта.

Уӕд Иаков Исавӕн радта къӕбӕр ӕмӕ хъӕдурӕй хъӕрмхуыпп. Исав бахордта, банызта, сыстад ӕмӕ ацыд. Афтӕмӕй Исав рауӕлдай кодта хистӕр фырты бартӕ.

← Предыдущая

Бытие

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Выбор основного перевода