Агъылып турагъан сувлагъа бозаргъан марал йимик, мени жаным да Сагъа бозарып тура, Аллагьым!
Къатты Аллагьгъа гьасиретдир жаным мени. Къачан гелип, Аллагьымны алдында токътар экенмен мен!
Аллагьым! Сенсендир мени Аллагьым, Сенидир мен къасткъылып излейген. Сагъадыр гьасирет къалып турагъан жаным мени. Бош, къуругъан, сувсуз топуракъда йимик Сагъадыр бозарып къалып турагъан къаркъарам мени.
Гьалсыз болуп битип бара къаркъарам да, юрегим де мени; Аллагь юрегимни гючюдюр, гьар даимге де харлымандыр мен Огъар.
Гьалсыз болуп тура жаным мени, гьар заман къанунларынгны гёрме сююп Сени.