Гьар саным булай деп айтар: «Раббим! Сендей ким болур? Гючсюзню гючлюден, пакъырны да, ярлыны да талавурчудан азат этеген Сенсендир».
Уллу тавлар йимикдир Сени муъминлигинг, терен сувлардыр Сени адиллигинг де! Инсанланы да, гьайванланы да сакълап турагъан Сенсендир, Раббим!
Неге тюгюл де, кёклеге чыгъып гетердей зор сюювюнг Сени, булутлагъа чыгъып гетердей гьакъ гертилигинг де Сени.
Авзуларыбыз кюлей эди, тиллерибиз буса шат йырлар йырлай эди. «Зор уллу иш этип къойду олар учун Раббибиз!» – деп сёйлей эдилер халкъланы арасында шо заман.
Къудратны Еси мени учун зор уллу иш этди. Ону Аты Сыйлыдыр!