Сагъадыр мен аркъатаяйгъан, Раббим, илыкъма да илыкъмасман мен бир де. Сендеги тюзлюк булан азат эт дагъы мени.
Къулакъ ас магъа, азат этме алгъаса мени. Мени якъламакъ учун – яр, къутгъармакъ учун беклик болуп къал магъа.
Неге тюгюл де, мени ярымсандыр, беклигимсендир Сен. Атынгны гьюрметинден алып юрю дагъы мени, ёлбашчылыкъ эт дагъы магъа.
Аллагьым! Сагъадыр мен умут этеген. Гьеч илыкъмасман мен, душманларым да мени къайгъымны уьстюнден сююнюп къалмасын дагъы.
Илыгъып къалмасын дагъы Сагъа умут этегенлени барысы да; илыгъып къалсын дагъы негьакъ яманлыкъ этегенлер.