Шо ишни этмессен Сен! Муъминлени яманлар булан бирге къырмассандыр, муъмин де, яман да бир къысматгъа тарымас. Шолай болма ярамас! Бютюн дюньяны Дуванчысы адилсиз дуван этип болармы дагъы?
Муъминлигиме гёре берип къойду Раббим магъа; къолларымны тазалыгъына гёре де савгъатлап къойду мени.
Давутну йыры. Айыпсызлыгъымны токъташдыр мени, Раббим, неге тюгюл де таза юрюп турдум мен; Раббиме умут эте туруп да гьеч бюдюремесмен мен.
Сендеги адилликге гёре токъташдыр дагъы айыпсызлыгъымны мени, Раббим, Аллагьым. Мени къайгъымны уьстюнден сююнюп къалмасын дагъы душманларым.
Сююнюп къалсын дагъы авлакъ, шондагъы бары зат да. Къуванып къалажакъ Раббибизни алдында агъачлыкъдагъы бары тереклер де. Неге тюгюл де, геле тура, ер юзюне дуван этме геле тура. Адилли кюйде дуван этер аламгъа, халкълагъа да гьакъ гертилигине гёре дуван этер Ол.