Книга Псалтирь Cтих 21 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Псалтирь Ветхий Завет

Ветхий Завет

Бытие

Псалтирь

Притчи

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

← Предыдущая

Псалтирь

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150

Хорну ёлбашчысына. Шошаним деген согъув алат булан. Давутну йыры.

Къутгъарып къой мени, Аллагьым, неге тюгюл де бойнума ерли етишип тура сувлар мени.

Батылып къалма тураман терен батмакълыкъда мен, эретурар ер де ёкъ. Сувланы теренине гирдим, шоланы агъымы алып гетип къалма тура мени.

Чакъырыв эте туруп, бошап тураман мен, тамагъым да къуруп тура мени. Аллагьымны къаравуллай туруп, гёзлерим де гьалсыз болуп тура мени.

Башымдагъы тюклеримден эсе, бир айыпсыз гёрюп ярамайгъанлар кёпдюр мени. Мени оьлтюрме къарайгъанланы кёбюсю бир себепсиз мени душманларым болуп токътадылар. Чыгъарып алмагъан затны къайтарма тарыкъман мен.

Аллагьым! Гьакъылсызлыгъымны билесен мени, гюнагьларым да гьеч яшырылмагъан Сенден.

Илыгъып къалмасын дагъы мен саялы Сагъа умут этегенлени барысы да, Раббим, къудратланы Аллагьы. Биябур болуп къалмасын дагъы мен саялы Сени ахтарагъанлар, Исрайылны Аллагьы.

Неге тюгюл де, Сен саялыдыр хорлавгъа тюшегеним де, бетим биябур болуп къалагъаны да.

Ят болуп битдим агъа-инилериме де, оьгей болуп къалдым анамны уланларына да мен.

Уьюнге бакъгъан якъдагъы гьасиретлик ялындай биширип къоя мени. Сагъа яман сёйлейгенлени яман сёзлери де магъа гелип тие.

Ораза тутгъан гьалда кант этип тураман мен, шону учун да хорлукъгъа салалар мени.

Опуракъны орнуна хапталаны салып юрюймен уьстюме – авзуна тюшюп къалгъанман оланы.

Башымны сёйлейлер очарда олтургъанлар да, йырларында йырлайлар чагъыр ичип турагъанлар да.

Мен буса дуам булан гелемен Сагъа багъып, Раббим. Бек тизив заман, Аллагьым; Оьзюнгдеги зор сююв булан, гьакъ герти къутгъарылывунг булан эшитип къой мени.

Батылып къалмасын учун, чыгъарып ал батмакълыкъдан мени; азат болуп къалайым дагъы мени гёрюп ярамайгъанлардан да, терен сувлардан да.

Алып гетип къалмасын дагъы сувланы агъымы мени, ютуп къоймасын дагъы сувну айланмасы мени, ютуп къоймасын дагъы къабур мени.

Эшит мени, Раббим, неге тюгюл де зор сюювдендир яхшылыкълар Сендеги. Сендеги уллу рагьму булан гёз къаратып да къой магъа.

Юзюнгню яшырма къулунгдан Сени; алгъаса жавап берме магъа, неге тюгюл де къайгъыгъа тюшюп тураман мен.

Ювукъ бол, азат эт дагъы мени. Душманларымдан къутгъар дагъы мени.

Хорлугъумну, илыгъымны, биябурлугъумну билесен Сен. Душманларым бары да Сени алдынгдадыр.

Хорлукъ дерт салып къойду юрегиме мени, мен де гьалсыз болуп къалдым. Языкъсынар деп къаравуллап турдум, амма ёкъ затдыр шо; гёнгюм алагъанлар болар деп къаравуллап турдум, амма гьеч табып чы болмай тураман.

Параллельные места

От Матфея 27:39

От Луки 23:49

Ондан оьтегенлер, башларын чайкъай туруп, Огъар: Исаны таныйгъанланы барысы да ва Ону артындан Галилеядан гелген къатынлар, арекде токътап, бу ишлеге къарап туралар.

Ашама оьт бердилер магъа, сувсап болгъан заманымда да ханц ичирдилер магъа.

Алдындагъы къурулгъан тепсиси оьзлер тюшежек тору, оьзлер булан бирликдегилеге тузакъ болуп къалсын дагъы.

Гёрюп болмайгъан кюйде къарангы болуп къалсын дагъы оланы гёзлери, бутларыны да къартыллайгъаны таймасын дагъы оланы.

Яман ачувунгну тёгюп къой дагъы олагъа, къазапланывунгну ялыны да къуршап алып къойсун дагъы оланы.

Бошалып къалсын дагъы оланы яшайгъан ери, чатырларында да гьеч яшайгъанлар къалмасын дагъы.

Неге тюгюл де, Сен йыкъгъанланы гьали де гьызарлап юрюйлер, Сен яра салгъанланы азаплары гьакъда да сююнюп сёйлейлер.

Бу жинаятчылыгъына да жаваплы этип оланы, айыплылыгъын токъташдырып къой дагъы оланы.

Яшав китабындан ёкъ болуп къалсынлар дагъы олар, муъминлер булан да бирче язылмай къалсынлар дагъы олар.

Мен буса ярлылыкъгъа, къайгъыгъа тарып къалгъанман. Сени къутгъарылывунг сакъласын дагъы мени, Аллагьым.

Мен буса йыр булан макътав этип турарман Аллагьыма мени, шюкюрлюк булан оьрге гётерип турарман Ону.

Къурбан этилген оьгюзден эсе, мююзлери, туякълары булангъы къурбан этилген бузавдан эсе, шогъар артыкъ рази къалар Раббибиз.

Зулмулангъанлар шону гёрюп, сююнюп къалар. Жанланып йиберер юрегигиз де сизин, гьей Аллагьны ахтарагъанлар.

Неге тюгюл де, пакъырлагъа къулакъ асар Раббибиз, Оьзюню есир болгъан халкъын да тергевсюз къоймас Ол.

Кёк де, ер де, денгизлер де, шолардагъы бары жанлы зат да макътап турсун дагъы Ону.

Неге тюгюл де, къутгъарар Аллагь Сионну, янгыдан къурар Ягьуданы шагьарларын. Ону къуллары шонда да ерлешип, ес болуп къалар шо топуракъгъа.

Ону къулларыны наслусу да топуракъгъа варис болуп да токътар, Ону атын сюегенлер де ерлешип къалар шонда.

← Предыдущая

Псалтирь

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150

Выбор основного перевода