Оьзю учун Раббибиз Аллагь иманлыланы айырып битгенни билип къоюгъуз. Мен Оьзюне чакъырыв этегенде, Раббибиз Аллагь эшитер.
Насиплидир Раббибиз оьзюне Аллагь болгъан халкъ. Насиплидир Оьзюне варислик гьисапда Ол сайлагъан адамлар.
Къанып къалып турадыр уьюнгню ниъматларындан олар, агъылып турагъан татлиликлерингден де ичирип турасандыр Сен оланы.
Тойдагъы кёп тюрлю ашдан йимик тоюп тура жаным мени. Сююнч аваз булан макътав этип тураман Сагъа.
Насиплидир Сени уьюнгде яшап турагъанлар. Токътавсуз макътав этип турар олар Сагъа.