Неге тюгюл де, этген жинаятчы ишлериме батып токътагъанман мен, авур юкдей басып тура магъа.
Атынгны макътавлугъу учун кёмек эт чи бизге, Аллагьым, Къутгъарывчубуз бизин. Атынг учун азат этип, гюнагьларыбыздан да гечип къой чу бизин.
Эгер Аллагь нюрде болгъаны йимик, биз де нюрде яшай бусакъ, бир-бирибиз булан къатнашывубуз болур ва Исаны – Ону Уланыны – къаны бизин бары да гюнагьларыбыздан тазалар.
Эгер биз гюнагьлы тюгюлбюз деп айта бусакъ, оьз-оьзюбюзню алдатабыз ва бизде гьакъ гертилик ёкъ.
Эгер биз гюнагь ишлерибизге мюкюрлюк этсек, инамлы ва адилли болгъан Аллагь гюнагь ишлерибизден гечер ва гьар-бир яманлыкъдан тазалар.
Даимлик Ругьну къудраты булан Месигь тетиксиз къурбан йимик Оьзюн Аллагьгъа берди. Гьакъ Аллагьгъа къуллукъ этмек учун, Ону къаны бизин намусубузну оьлюмге элтеген ишлерибизден нечик артыкъ даражада тазалажакъ!