Къылыкъсызланы яманлыгъы битип къалсын дагъы, муъминни буса беклешдирип къой дагъы, неге тюгюл де Сен юреклени де, гьакъылланы да сынап къарайсандыр, адилли Аллагьым.
Къоркъув бер дагъы, Раббим, олагъа; халкълар оьзлер инсанлар экенин билсин чи.
Яманлыгъы саялы къутулармы экен дагъы олар тийишли такъсырындан? Къазапланып йиберип, тёбен салып къой, Аллагьым, халкъланы.
Рабби деген бир атынг болгъан Сен бютюн ер юзюню Аллагьу-Тааласы экенни де билип къалсынлар дагъы олар.
Ёкъ болуп къалсынлар дагъы ер юзюнден гюнагьлылар, къылыкъсызлар да болмай къалсынлар дагъы бир де. Макътав эт дагъы, жаным, Раббиме! Макътав эт чи Раббиме!