Ялгъан айтагъанланы Сен дагъытарсан; къан тёкме гьасиретлилерден де, ялгъан булан турагъанлардан да Сен жиргенерсен.
Аллагьым! Сагъадыр мен умут этеген. Гьеч илыкъмасман мен, душманларым да мени къайгъымны уьстюнден сююнюп къалмасын дагъы.
Халкъым унутуп къалмасын учун, оьлтюрюп къойма Сен оланы. Чачып къой къудратынг булан оланы, ер этип де къой, Раббим, якълавчубуз бизин.
Алып гетип къалмасын дагъы сувланы агъымы мени, ютуп къоймасын дагъы сувну айланмасы мени, ютуп къоймасын дагъы къабур мени.
Раббибизден къоркъмакъ оьмюр къошар, намуссузланы оьмюрю буса къысгъа болар.
Гишиге къую къазгъан оьзю тюшер беттёбен; тавгъа таш дёгеретип чыгъарагъан оьзю шону тюбюне тюшюп къалар.