Оьзюню къоллары похланмагъан, юреги таза, ялгъан аллагьлагъа къуллукъ этмеген, ялгъан ант этмеген адам.
Юреги буса тюз тюгюл эди Ону алдында, олар да амин тюгюл эдилер Ону разилешивюне.
Ят халкъланы юреклерин иман булан тазалап, Аллагь бизин ва оланы арасында бир башгъалыкъ да къоймады.
Шо саялы ким Месигьге иман салгъан буса, о янгы яратывдур. Эсги затлар битди, бары да зат янгыртылды!
Не сюннет этилмекни, неде сюннет этилмей къалмакъны бир маънасы да ёкъдур. Аслусу – сиз Аллагьны яратылгъан янгы заты болуп токътадыгъыз.
Биз Аллагьны яратывубуздур. Оьзю алданокъ белгилеген ишлени кютмек учун, Аллагь бизин Иса Месигь булан бирликде гьалиги кююбюзде яратды.