Оьрлюклеге гётерилип токътагъансан, есирлени Оьзюнг булан алып юрюгенсен Сен. Башлап къаршылыкъ билдирип тургъанланы арасындан да Раббибиз Аллагьны янында яшап болсун деп, инсанлар учун савгъатлар алдынг Сен. Инсанлардан, гьатта къаршылыкъ билдиргенлеринден де савгъатлар алдынг Сен. Раббибиз Аллагь да шонда яшап турар.
Юрюшюнгню гёрдюк Сени, Аллагьым, мени Аллагьымны юрюшюн, сыйлы ердеги мени пачамны.
Алды булан йырлайгъан, арты булан согъув алатлары булангъы уланлар, ортасында буса накъыралары булангъы къызлар юрюй эдилер.
Зурнайланы, мююзню авазлары чыкъгъандокъ, шат болугъуз чу Пачабыз болгъан Раббибизни алдында!
Бу сёзлени айтып битгендокъ, Иса оланы гёз алдында кёкге гётериле ва Ону бир булут алып гете.
Тёбен тюшген ва Оьзю булан бары да затланы толу этмек учун, кёклерден оьрге гётерилген Биревдюр.