Бары да пачалар ону алдында тизден чёгежеклер, бары да халкълар огъар къуллукъ этежеклер.
Сенсендир бизге якълавчуну танглагъан, Раббим. Сенсендир, Исрайылны Сыйлы Аллагьы, бизге пачабызны да берген.
Неге тюгюл де, бютюн ер юзюнден де оьрсендир, бары да аллагьлардан да оьрге салынгъансандыр Сен, Раббим.
Аллагь Ибрагьимге сюннет этив адатны берди. Шо адат Аллагь ону къабул этгенни белгилей эди. Имангъа гёре буса Аллагь Ибрагьимни сюннет этилгенче де къабул этген эди. Шо саялы да, оьзлер сюннет этилмесе де, Ибрагьим Аллагьгъа иман салагъанланы барысыны да ругь атасыдыр. Аллагь оланы иманы саялы къабул этер.
Ибрагьим де сюннет этилген ягьудилени атасыдыр. Амма барысыныки де тюгюл, янгыз сюннет этилгинче оьзю юрюген иманны ёлу булан юрюйген ягьудилени атасыдыр.