Книга Псалтирь Cтих 16 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Псалтирь Ветхий Завет

Ветхий Завет

Бытие

Псалтирь

Притчи

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

← Предыдущая

Псалтирь

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150

Хорну ёлбашчысына. Корагьны уланларыны уьйретивю.

Аллагьым, оланы заманында, бырынгъы заманларда Сен этген ишни оьзюбюзню къулакъларыбыз булан эшитдик, ата-бабаларыбыз хабарлады бизге.

Оьз къолунг булан къырып къойдунг Сен имансызланы, ата-бабаларыбызны буса оланы орнуна ерлешдирип салдынг; халкъланы такъсырлап, ата-бабаларыбызгъа эркин топуракълар бердинг.

Къылычы булан тюгюл эди олар топуракъгъа ес болгъаны, гючю де тюгюл эди олагъа уьстюнлюк гелтирген. Амма Сени онг къолунг, Сени къуватынг, Сени юзюнгдеги нюр эди, неге тюгюл де яхшы гёзден къарадынг Сен олагъа багъып.

Аллагьым, мени Пачам! Шо Аллагьсандыр Сен гьали де. Уьстюнлюкню гёрсетип къой дагъы Оьз халкъынга.

Сени булан бирче ари йылышдырып къоярбыз душманларыбызны. Сени атынгны къудраты булан таптап чыгъарбыз бизге къаршы баш гётергенлени.

Неге тюгюл де, жаяма тюгюл мен умут этегеним, къылычым да тюгюл къутгъаражакъ мени.

Амма душманларыбыздан бизин къутгъаражакъ, бизин гёрюп ярамайгъанланы да биябур этип къояжакъ Сенсендир.

Аллагь булан макътанарбыз гьар гюн де, Сени атынгны да макътап турарбыз гьар даим де.

Амма гьали буса гери уруп, биябур этип къойдунг Сен бизин, асгерлерибиз булан да чыгъып турмайсан Сен.

Душмандан артгъа тартылып къачагъан этип къойдунг Сен, бизин гёрюп ярамайгъанлар да талап турдулар бизин.

Къойланы йимик соймагъа берип къойдунг Сен бизин, ят халкъланы арасында чачып да къойдунг бизин.

Бек учуз сатып къойдунг Оьз халкъынгны Сен, шо сатывдан гьеч тюшген зат да болмады Сагъа.

Хоншуларыбызгъа мысгъыллавгъа, айланабызда яшайгъанлагъа кюлкюге, хорлавгъа берип къойдунг Сен бизин.

Ят халкъланы арасында хабаргъа салып къойдунг бизин, оланы да башын чайкъайгъан этип къойдунг Сен бизге.

Хорлавчуну, макюрчюню сёзлеринден, душманны, оьч алывчуну къаравундан гьар гюн биябурлукъгъа, илыкъгъа тюшюп тура бетим де.

Параллельные места

Псалтирь 68:8

Неге тюгюл де, Сен саялыдыр хорлавгъа тюшегеним де, бетим биябур болуп къалагъаны да.

Башыбызгъа тюшдю бу затлар бары да, амма Сени чи унутмадыкъ, разилешивюнгню де бузмадыкъ биз.

Юреклерибиз тартынмады бизин, аякъларыбыз да гьеч тайышмады Сени ёлунгдан.

Амма бизин дагъытып, топурагъыбызны чагъанлар учун бердинг Сен, тун къарангылыкъ булан да ябып къойдунг бизин.

Эгер де Аллагьыбызны атын унутуп, къолларыбызны ят аллагьгъа узатып къойгъан эдик бусакъ,

Билмей къалармы эди дагъы шо гьакъда Аллагь? Неге тюгюл де, юреклени сырларын биледир Ол.

Амма Сен саялы оьлтюрюп тура бизин гьар гюн, соймагъа гьазирленген къойлагъа гьисаплап тура бизин.

Гел чи, кёмек эт, Раббим! Алгъаса, гери уруп къойма даимге.

Неге яшынгъансан бизден? Неге къайгъыбызны, бизге этилеген зулмуну унутасан?

Неге тюгюл де, чанггъа дёнюп битген жаныбыз да бизин, къаркъараларыбыз да ердеги балчыкъгъа ябушуп къалгъан бизин.

Кёмек эт чи бизге, азат этип де къой бизин зор сюювюнгню хатиринден.

← Предыдущая

Псалтирь

Выбор основного перевода