Шогъар гёре Месигь дюньягъа гелгенде, булай айтды: Сен я къурбан, я савгъатлар сюймединг, амма Сен Мени учун бир къаркъара гьазирлединг.
Гюнагьлары учун этилеген я къурбанлар, я савгъатлар, я отгъа салынып яндырылагъан къурбан гьайванлар Сени къувандырмай.
Шо заман Месигь булай айтды: «Сыйлы Язывланы китабында Мени гьакъымдан язылгъан кюйде, муна, Мен Сен сюегенни этмеге гелдим, гьей Аллагь!»
Неге тюгюл де, къурбанлыкъ берер эдим – гьажатлы тюгюл Сагъа шо; яллатып этилеген къурбанлагъа да яхшы гёзден къарамайсан Сен.
Барыгъыз, «Къурбанны тюгюл, Мен рагьмуну сюемен» деген сёзлени маънасын уьйренип гелигиз. Мен муъминлени тюгюл, гюнагьлыланы чакъырмакъ учун гелгенмен.