Аллагьым, азат эт мени. Раббим! Алгъаса дагъы кёмекге магъа.
Илыгъып, биябур болуп къалсынлар дагъы жаныма оьлюмню излеп айланагъанланы барысы да! Артгъа бурулуп къачсынлар дагъы, мысгъылгъа тутулуп къалсынлар дагъы магъа яманлыкъ ёрайгъанлар!
Магъа: «Ериндеги болгъан огъар!» – дейгенлер оьзлени биябурлугъу саялы артгъа тартылма борчлу болсунлар дагъы.
Сенден сююнюп, шат болуп къалсынлар дагъы Сени излейгенлени барысы да. Бир токътавсуз: «Зор уллудур Аллагьыбыз!» – деп айтып турсунлар дагъы къутгъарылывунгну сюегенлер де.
Мен буса ярлыман, пакъырман. Аллагьым, алгъаса дагъы магъа багъып! Кёмегимсендир, азат этивчюмсендир Сен мени! Раббим, асталатып къойма дагъы.
Амма Сен, Раббим, менден ареклеге чыгъып къалма дагъы. Къудратым мени! Магъа кёмекге алгъаса дагъы Сен.
Кёмекге алгъаса дагъы магъа, Раббим, къутгъарывчум мени!