Оьзю сизге къазапланмасын учун, сиз де тутгъан ёлугъузда дагъылып къалмас учун, Огъар гьюрмет этигиз! Неге тюгюл де, узакъ къалмай Ону къазапланыву янып гетме де болур. Насиплидир Раббибизде аркъатаяв табагъанланы барысы да.
Гёзюмню бебейи йимик сакъла дагъы мени. Магъа чапгъын этип турагъан къылыкъсызланы бетлеринден де, мени аралап токътагъан душманларымдан да къанат тюбюнгдеги салкъынлыкъда яшырып сакъла дагъы мени.
Оьзюнгден къоркъагъанлагъа деп сакълагъан, адамланы алдында Сагъа умут этегенлеге деп онгаргъан яхшылыкъларынг не кёпдюр дагъы Сени.
Рагьму эт магъа, Аллагьым, рагьму эт магъа. Неге тюгюл де, Сендедир жаным аркъатаяв табагъан. Балагьлар ёкъ болуп къалгъанча, къанат тюбюнгню салкъынлыгъында яшынып токътап да турарман мен.