Кёклерден де бийикдир Сендеги муъминлик, Аллагьым. Зор уллу ишлер этдинг Сен. Аллагьым, Сагъа тенг гелип болардай ким бар экен дагъы?
Денгизден табадыр ёлунг Сени, уллу сувлардадыр сокъмагъынг да, белгисиздир гьызларынг да Сени.
Не зордур Сени ишлеринг, Раббим! Не терендир ойлашгъан затларынг да Сени!
Сенсендир гьайванлар учун отну оьсдюреген. Сенсендир топуракъдан рызкъы болдурмакъ учун ону пайдасына оьсюмлюклени оьсдюреген де.
Сенсендир инсанны юрегин шат этмек учун чагъырны болдуртагъан. Сенсендир инсанны бети нюрлю болсун деп зайтун майны болдуртагъан. Сенсендир инсанны юрегин беклешдиреген ашны болдуртагъан да.
Аллагьны хазналары, гьакъылы ва билими нечик терендир! Ону дуванларын ким англатма болур? Ону ёлларын ким англап болур?
Мусаны Къанунунда: «Оьгюзге оьзю инныр басагъан затны ашама пуршав этме», – деп язылгъан чы. Раббибиз оьгюзнюмю дагъы гьайын этегени?