Къыйын болгъанда Раббиме чакъырыв этдим мен, Аллагьны да атын тутуп сёйледим. Ол да кёклерден туруп мени тавушумну эшитди, мени агь урувум да Огъар етишди.
Тилеп дуа этдим мен Раббиме, Ол да эшитип, бары да къоркъунчлардан азат этип къойду мени.
Чакъырыв этер муъминлер; Раббибиз де эшитип йиберип, бары балагьларындан азат этип къояр оланы.
Муъминни къайгъысы кёпдюр, шоланы барындан да азат этип къояр Раббибиз.
Неге тюгюл де, пакъырлагъа къулакъ асар Раббибиз, Оьзюню есир болгъан халкъын да тергевсюз къоймас Ол.