Билдиригиз чи Раббибизни зорлугъун мени булан бирче, Ону атына да бирче макътав этип юрююк чю.
Бир пакъыр чакъырыв этди, Раббибиз де ону эшитип, ону бары балагьларындан къутултуп къойду.
Чакъырыв этер муъминлер; Раббибиз де эшитип йиберип, бары балагьларындан азат этип къояр оланы.
Неге тюгюл де, гьалал адам не балагьдан да къутулар, намуссузлар буса ажжалгъа тарып къалар.
ва ону бары да балагьлардан къутгъаргъан. Аллагь огъар гьакъыл берген ва Мисрини пачасыны ягъындан рагьму гёрсетген. Пача да ону Мисриге ва оьзюню къаласына гьаким этип салгъан.
Петер эс табып йиберип: – Раббибиз малайигин йиберип, мени Гьиродну къолундан ва магъа этмеге герек деп ягьудилер къаравуллайгъан жазадан къутгъаргъанны мен гьали гьакъ кюйде билемен, – дей.
Биз Аллагьны авлетлери болгъан сонг, Ону варислери де дюрбюз – Месигь булан ортакъ варислерибиз. Эгер биз Месигьни азап чегивюне ортакъчы болдукъ бусакъ, Ону макътавлугъуна да ортакъчы болажакъбыз.
Антиокияда, Иконийде ва Листрада мени артымдан тюшген гьызарлавланы ва мен тарыгъан къыйынлыкъланы сен билесен. Бир гьызарлавлагъа тюшген эдим дагъы! Амма Аллагь оланы барындан да мени къутгъарды.
Иса Месигьге иман салып, Аллагьны ёлуна къыйышывлу кюйде яшамагъа сюегенлер бары да гьызарланар.