Авзумдан янгы йыр – Аллагьыбызгъа макътав – чыгъагъан этип къойду. Кёплер гёрюп йиберип, къоркъуп къаларлар, Раббибизге умут этип турарлар.
Йырлагъыз чы Раббибизге янгы йырны. Йырла чы Раббибизге, бютюн ер юзю!
Раббибизни атын тутуп къычыр чы, гьей бютюн ер юзю. Шат болугъуз чу, сююнч булан йырлагъыз чы Раббибизге!
Олар янгы бир йыр булан булай айтдылар: – Китапны алып, ону мюгьюрлерин тайдырмагъа лайыкълы Сенсендир. Неге тюгюл де, Сен оьлтюрюлдюнг ва Оьз къанынг булан Аллагь учун гьар халкъны, гьар къавумну, гьар тилде сёйлейгенлени ва гьар миллетни адамларын къутгъардынг.
Раббибизни уьйретивю герти, юрекни шат этип къоя; Раббибизни буйрукълары ярыкъ, гёзлени нюрлендирип къоя.
Наслудан наслугъа етип турар аминлигинг Сени. Сенсендир ер юзюн амалгъа гелтирген, токътап тура шо да.