«Оьзюмню сыйлы болгъан Сион тавумну уьстюнде Мен Пачамны танглап алдым».
Тилеп дуа этдим мен Раббиме, Ол да эшитип, бары да къоркъунчлардан азат этип къойду мени.
Сесим Аллагьгъа бакъгъан, мен де чакъырыв этермен. Сесим Аллагьгъа бакъгъан, Ол да эшитер мени.
Артыкъ макътав этигиз чи Раббибизге, Аллагьыбызгъа, Ону сыйлы тавунда да сужда этигиз чи. Неге тюгюл де, сыйлыдыр Раббибиз, Аллагьыбыз бизин.
Давутну уьйретивю. Ону анакъдагъы заманындагъы дуасы. Оьз тавушум булан чакъырыв этдим мен Раббибизге, оьз тавушум булан дуа этдим Раббибизге мен.
Мен парахат ятып юхлайман, неге тюгюл де мени аманлыкъда яшама янгыз Сенсен къоягъан, Раббим.
Санап турарманмы дагъы шоланы, амма къайыр бюртюклерден де кёпдюр шолар. Уянагъанда да Сени булан боларман мен.
Юхлама ятгъанда гьеч къоркъмассан, юхлагъанда юхунг да татли болар.