Амма Сен, Раббим, алдымдагъы къалкъанымсан, макътавлугъумсан, башымны да Сен гётертип юрютесен.
Душманым: «Мен ондан оьр чыкъдым», – деп айтып къоймасын дагъы. Эгер де бюдюреп къалсам, мени гьызарлап юрюйгенлер сююнюп къалмасын дагъы.
Раббим мени ярымдыр, беклигимдир, мени азат этивчюмдюр. Аллагьым мени якълавумдур: Олдур мени аркъатаявум, Олдур мени къалкъаным, къутгъарылывумну къудратыдыр, къамалып токътайгъан еримдир.
Мен буса йыр булан макътав этип турарман Аллагьыма мени, шюкюрлюк булан оьрге гётерип турарман Ону.