Раббим мени ярымдыр, беклигимдир, мени азат этивчюмдюр. Аллагьым мени якълавумдур: Олдур мени аркъатаявум, Олдур мени къалкъаным, къутгъарылывумну къудратыдыр, къамалып токътайгъан еримдир.
Неге тюгюл де, мени ярымсандыр, беклигимсендир Сен. Атынгны гьюрметинден алып юрю дагъы мени, ёлбашчылыкъ эт дагъы магъа.
Гёрдюнг Сен, Раббим. Пысып турма дагъы. Раббим! Менден ари тайып къалма дагъы.
Аллагьым! Иннемей турма чы, пысып турма чы, бир зат да этмей турма чы, Аллагьым!
Къабургъа гире турагъанлар йимик болгъанман мен. Оьлгенлени арасына ташлангъан, оьлтюрюлюп табутда ятгъанлар йимик, бир гючсюз инсан болуп къалдым мен. Оланы эсге де алмайсан Сен, къолунг гери де ургъан оланы.
Тез жавап берип къой чу, Раббим мени; гьалсыз бола тура ругьум мени. Мен къабургъа салынагъанлагъа ошап къалмасын учун, яшырып къойма чы менден Оьзюнгню бетингни.