Мен чакъырыв этгенде, мени эшит дагъы, адилли Аллагьым! Балагь къопгъанда Сен магъа эркинлик бере эдинг. Магъа рагьму эт дагъы, мени дуамны да эшит дагъы.
Къачан болгъунча ичимдеги дертге чыдап турайым мен? Къачан болгъунча гече де, гюн де юрегимдеги къайгъыгъа чыдап турайым мен? Къачан болгъунча душманым менден оьр чыгъып турсун?
Эшит, Раббим, рагьмулу да бол магъа. Раббим, кёмекчи бол дагъы магъа».
Эшит дагъы, Раббим, дуамны, къулакъ ас дагъы агь урувума да, сесленмей къалма дагъы гёзьяшларыма да. Неге тюгюл де, яяваякъ ёлавчунгмандыр мен Сени, бары да ата-бабаларым йимик гелгинчи де дюрмендир мен.