Мен сени шабагьатлама да бир шабагьатлажакъман дагъы! Мен сагъа кёкдеги юлдузланы санаву чакъы, денгиз ягъадагъы къайыр бюртюклер чакъы кёп наслулар бережекмен. Сени наслуларынгны алдында душманларынгны къапулары дагъылып къалажакъ!
Мени буйругъумну кютгенинг саялы, сени наслуларынгдан таба дюньяны бары да халкъларына шабагьат этилежек.
Яшырып къойма дагъы менден юзюнгню Сен; къазапланып, къулунгну гери уруп къойма дагъы Сен. Кёмекчим болуп турдунг Сен мени; гери урма дагъы мени, къоюп да къойма, Аллагьым, Къутгъарывчум мени!
Тёкген къанымны айыбындан азат эт, Аллагьым, къутгъарылывумну Аллагьы, макътав этер шо заман тилим муъминликге Сендеги.
Раббим, къутгъарылывумну Аллагьы! Гече де, гюн де агь уруп тураман алдынгда.