Давутну йыры. Раббим! Сени сыйлы чатырынгда ким туруп болар? Сени сыйлы тавунгда ким болар яшап?
Гьалал юрюйген, тюз затны этеген, юрегинден гьакъ гертини сёйлейген,
Тили булан бугьтан сёйлемейген, хоншусуна яманлыкъ этмейген, ювугъу булан сёгюшмейген,
Аллагь гери ургъанланы эсгик гёрген, амма Раббибизден къоркъагъанлагъа абур этеген. Гьеч бузмас дагъы антын ол, гьатта оьзюне къаршы чыгъып къалса да шо.
Асламчылыкъгъа оьзгелеге акъчасын бермейген, айыпсызгъа къаршы урушбат алмайгъан. Шолай иш гёрген гьеч бир де бюдюремес.
«Оьзюмню сыйлы болгъан Сион тавумну уьстюнде Мен Пачамны танглап алдым».
Ибадатханангны абзарларында яшасын деп Сен танглагъан, Сен ювукъ этген насиплидир. Тоюп къаларбыз уьюнгдеги, сыйлы ибадатханангдагъы яхшылыкъларынгдан Сени.